UPSC தேர்வுகள்- மொழி சிக்கல்

Tags

சிவில் சர்விஸ், தேர்வுகள், Civil Service Introduction, UPSC, UPSC Tamil

என்னடா இவன் வெறும் தகவல்கள் மட்டுமே கொட்டறான். சுவாரசியமா எதுவுமே இல்லையேனு நினைப்பவர்களுக்காக இந்த பதிவு. (யாராவது படிச்சா தானே அப்படி நினைக்கறதுக்குனு உண்மை உங்களுக்குத் தெரிந்திருந்தால் உங்களை நீங்களே பாராட்டிக் கொள்ளலாம்).

Prelims பற்றி சொன்ன பொழுது ஆங்கிலம் மற்றும் இந்தியில் மட்டும் கேள்வித் தாள்கள் இருக்கும், தமிழில் வர வேண்டும் என்று சொன்னேன். அதைப் பற்றி என்னுடைய மற்றும் நம் தமிழ் நாட்டில் இருந்து Mains எழுதிய சில நண்பர்களின் அனுபவங்களையும் பார்க்கலாம்.

Mains தேர்வில் Essay என்பது மிக முக்கியமானது. Essay and options were the deciding factor last year. Options பற்றி பின்னால் Mains தேர்வு பற்றி எழுதும் பொழுது பார்க்கலாம். சென்ற வருடம் ஒரு கட்டுரை (Essay)க்கு 250 மதிப்பெண்கள். மெயின்ஸ் தேர்வில் ஒவ்வொரு மதிப்பெண்ணும் முக்கியம்.

ஒரு மதிப்பெண் 10 ரேங் வரை உங்களை முன்னாலோ பின்னாலோ இழுத்துச் செல்லும். அப்படிப் பார்க்கையில் ஒரே ஒரு கட்டுரைக்கு 250 மதிப்பெண் என்பது மிக மிக முக்கியமான ஒன்று. இந்தக் கட்டுரை பொதுவாக 15 பக்கம் முதல் 20 பக்கம் வரை எழுதுவார்கள். விதிவிலக்குகள் உண்டு.

சென்ற வருடம் வந்த கட்டுரையில் ஒன்று,

Science and Technology is the panacea for the growth and security of the nation.

இந்த கட்டுரையின் உயிர் நாடி Panacea என்ற அந்த ஒரு வார்த்தையில் அடங்கியுள்ளது. அதற்கு பொருள் தெரியவில்லை என்றால், அறிவியல் மற்றும் தொழில்நுட்பம் நாட்டின் பாதுகாப்பு மற்றும் வளர்ச்சிக்கு சாதகமா அல்லது பாதகமா என்று கேள்வியில் குழப்பம் வந்துவிடும். Panacea என்பது பத்திரிக்கைகளில் வரும் வார்த்தைதான் என்றாலும், அது பொதுவான பழக்கத்தில் இருக்கும் (Commonly used term) சொல் கிடையாது. இதெல்லாம் ஒரு பிரச்சனையா என்று சிலர் நினைக்கலாம். கொஞ்சம் விளக்கம் கொடுத்தால் புரியும்.

இப்பொழுது Panacea என்பது பாதகம் (Negative term) என்று நாம் தவறாகப் புரிந்து கொண்டால், நமது கட்டுரையின் பேசு பொருள் அரபு புரட்சி (Arab Spring), தீவிரவாத இயக்கங்கள், Non-State actors, Cyber Attack, Cyber Terrorism, நக்சலிசம், முதலாளித்துவம், More Automation -> Loss of Job -> Non-Inclusive Growth -> Security Issues, Nuclear Proliferation, Arms trade, Money Laundering (Wire transfers), Financial terrorism என்று பல தளங்களில் விரியும்.

மொத்த கட்டுரையும் தவறாக போய்விடும். நீங்கள் இனி ஆட்டத்தில் இல்லை. உயிரைக் கொடுத்து நீங்கள் பல விஷயங்களைப் படித்திருந்தாலும், ஒரு வார்த்தைக்குத் தவறான பொருள் புரிந்து கொள்வதால் இந்த பிரச்சனை.

இந்த பிரச்சனை ஆங்கிலம் தெரியாத அனைவருக்குமா? என்றால், இல்லை. இந்தியில் இதே கேள்வி கொடுக்கப்பட்டிருக்கும். இந்தி தெரிந்த மக்களுக்கு இதனால் எந்த பாதகமும் இல்லை. ஒரு விதத்தில் அவர்களுக்கு இது சாதகமானதே (Comparative Advantage)

இதே கேள்வி தமிழில், ”அறிவியல் மற்றும் தொழில்நுட்பம் ஒரு நாட்டின் வளர்ச்சி மற்றும் பாதுகாப்புக்கு அருமருந்து” என்று கொடுக்கப்பட்டிருந்தால் நாம் தவறாகப் புரிந்து கொள்ள வாய்ப்பில்லை. அட்டகாசமாக எழுத முடியும்.

இதே போன்ற பிரச்சனை, சென்ற வருடத்தில் பல இடங்களில் காண முடிந்தது, English Language Paper,

1) We Indians are hypocrites.

2) Fitness and healthcare – latest fad in urban India.

Sociology ஆப்ஷன்ஸ் எடுத்த சிலருக்குக் கூட இதில் Hypocrites என்றால் என்னவென்று தெளிவாகத் தெரியவில்லை. நல்ல வேளை வலையுலகில் இருப்பதால் எனக்கு அதில் எந்த குழப்பமும் ஏற்படவில்லை. ஆனால் Panacea என்னை பலி வாங்கிவிட்டதென்றே நினைக்கிறேன்.

முதலில் படித்தவுடன் அதன் அர்த்தம் புரிந்து கருத்துகளைச் சேர்க்க ஆரம்பித்துவிட்டேன். முழுதும் தயார் ஆனவுடன், Panacea என்பதான் சரியான அர்த்தம் என்ன என்று யோசிக்கத் துவங்கியதில் பிரச்சனைத் துவங்கியது. Growth என்ற வார்த்தை இருப்பதால் Positive tone என்று நம்பினாலும், பயம் தொற்றிக் கொண்டது.

ஜெராட் டைமண்டின் Guns, Germs and Steel புத்தகத்தில் இருந்து துவங்கி அறிவியல் மற்றும் தொழில்நுட்பம் எவ்வாறு நாடுகளின் எல்லைக் கோடுகளும், வரலாறும் அமையக் காரணமாக அமைந்தன என்று தொடர்ந்து, India After Gandhiல் இருந்து பக்ரா நங்கள் அணையைத் திறக்கும் பொழுது நேரு ஆற்றிய உரை மற்றும் பல்வேறு அணைகளினால் கர்நாடகா மக்களின் வாழ்வில் ஏற்பட்ட மாற்றம் மற்றும் பல்வேறு துறைகளில் அறிவியல் மற்றும் தொழில்நுட்பத்தினால் ஏற்பட்ட பலன் எவ்வாறு நாட்டின் வளர்ச்சிக்கும் பாதுகாப்புக்கும் துணை செய்தன என்று எழுதியிருந்தேன்.

ஆனால் அந்த Panacea என்ற ஒரு வார்த்தையினால் ஏற்பட்ட தயக்கத்தால் பல இடங்களிலும் அறிவியல் தொழில்நுட்பம் தவறான கைகளில் இருக்கும் பட்சத்திலும் சரியாக பயன்படுத்தாதனாலும் ஏற்படக்கூடிய தீமைகளையும் தொடர்ந்து குறிப்பிட்டிருந்தேன்.

இதன் காரணமாக நிச்சயம் சில மதிப்பெண்களை இழந்திருக்கிறேன் என நம்புகிறேன். இன்னும் ஆறு மதிப்பெண் பெற்றிருந்தால் தேர்வானவர்கள் பட்டியலில் என் பெயரும் வந்திருக்கும். என்னைப் போலவே நிச்சயம் தமிழ் நாடு, ஆந்திரா, கர்நாடகா என இந்தி தெரியாத போட்டியாளர்கள் பாதிக்கப்பட்டிருக்கிறார்கள். இண்டர்வியூ சென்ற பொழுது அவர்களுடன் பேசியதில் உறுதி செய்து கொள்ள முடிந்தது.

சென்ற ஆகஸ்ட் மாதம் அனைத்து மொழிகளிலும் கேள்வித் தாள்கள் வெளியிட வேண்டும் என்ற கோரிக்கைகள் எழுந்தன. அவை பரிட்சை முடிந்தவுடன் அப்படியே அமுங்கி விட்டன. மீண்டும் அடுத்த ஆண்டு பரிட்சை நெருங்கும் நேரத்தில் வரும். படிக்க வேண்டிய நேரத்தில் போராட்டம் என்று இறங்கும் மாணவர்கள் Prelimsல் தோற்று வெளியேற்றப்படுவர் என்பது தான் கசப்பான உண்மை.

(தொடரும்…)

UPSC அறிமுகம் – Prelims

Tags

சிவில் சர்விஸ், தேர்வுகள், UPSC, UPSC Introduction Tamil, UPSC Tamil

சிவில் சர்விஸ் தேர்வுகள் மூன்று நிலையாக நடத்தப்படுகின்றன. ஒவ்வொரு நிலையிலும் உங்களுடைய திறமைகள் பரிசோதிக்கப்படுகின்றன.

முதல் நிலை (Prelims):

இதில் இரண்டு பரிட்சைகள் நடத்தப்படும் (ஒரே நாளில்). Paper I (General Studies) and Paper II (CSAT – Aptitude Test). இந்த இரண்டு தாள்களும் Objective Type (Choose the correct answer from the given options) கேள்விகள் கொண்டதாக இருக்கும்.

General Studies 1 : 

100 கேள்விகள் – 200 மதிப்பெண்கள்

தவறான பதில்களுக்கு 0.66 மதிப்பெண்கள் குறைக்கப்படும் (மூன்று கேள்விகளுக்குத் தவறாக பதில் அளித்தால் ஒரு சரியான பதிலின் மதிப்பு போய் விடும். 3 * 0.666 = 2 Marks).

Paper I – (200 marks) Duration : Two hours

􀀠 Current events of national and international importance.

􀀠 History of India and Indian National Movement.

􀀠 Indian and World Geography – Physical, Social, Economic Geography of India and the World.

􀀠 Indian Polity and Governance – Constitution, Political System, Panchayati Raj, Public Policy, Rights Issues, etc.

􀀠 Economic and Social Development – Sustainable Development, Poverty, Inclusion, Demographics, Social Sector initiatives, etc.

􀀠 General issues on Environmental Ecology, Bio-diversity and Climate Change – that do not require subject specialisation

􀀠 General Science.

Model Question Paper (2014 Prelims) : www.upsc.gov.in/questionpaper/2014/csp/General%20studies-I.pdf

Paper II (CSAT)

􀀠 Comprehension

􀀠 Interpersonal skills including communication skills;

􀀠 Logical reasoning and analytical ability

􀀠 Decision-making and problemsolving

􀀠 General mental ability

􀀠 Basic numeracy (numbers and their relations, orders of magnitude, etc.) (Class X level), Data interpretation (charts, graphs, tables, data sufficiency etc. – Class X level)

Model Question Paper (2014 Prelims) : www.upsc.gov.in/questionpaper/2014/csp/General%20Studies-II.pdf

இந்த இரு கேள்வித் தாள்களும் ஆங்கிலம் மற்றும் இந்தி ஆகிய இரு மொழிகளில் இருக்கும். அடுத்த ஆண்டிலிருந்து தமிழ் போன்ற பிற பிராந்திய மொழிகளிலும் வரலாம். அவ்வாறு வந்தால் நிச்சயம் நமக்கு நன்மையே. குறிப்பாக இரண்டாம் தாள் Comprehensionல் நம்மால் வேகமாக படிக்க முடியும். ஆனால் அதிலும் கூகுள் ட்ரான்ஸ்லேட்டர் சொதப்ப வாய்ப்பிருக்கிறது.

நாங்கள் இதற்கு படித்த புத்தகங்களின் பட்டியலையும், படித்த முறைகளையும் பின்னால் விவரிக்கிறேன். மாதிரி கேள்வித் தாள்களைப் பார்த்து பயப்பட வேண்டாம்.

UPSC தேர்வுகள் அறிமுகம் – 1

Tags

சிவில் சர்விஸ், தேர்வுகள், Civil Service Introduction, UPSC, UPSC Tamil

இந்தத் தொடரை நிச்சயம் தன்னம்பிக்கைத் தொடராக எழுத எண்ணம் இல்லை. அது போலவே இத்தேர்வில் வெற்றி பெற்றால் கிடைக்கும் பொறுப்புகளின் பெருமைக் குறித்தும் எழுதப் போவதில்லை.

சிவில் சர்வீஸ் தேர்வுகளுக்குத் தயாராவது நிச்சயம் உங்களைப் பல விதங்களில் சோதனைக்கு உட்படுத்தும். மூன்று நிலைத் தேர்வுகள் உங்களுக்குப் பல விதங்களில் சவாலாக இருக்கும். ஆனால் எந்தப் போட்டித் தேர்வுக்கும் தேவையான Discipline, Commitment, Focus, Open Mindedness and a real Motive இருந்தால் வெற்றி பெறலாம் என்பது நான் கண்ட வரை உண்மை.

UPSC சிவில் சர்விஸ் தேர்வுகளிலின் மூலம் இருவகையான பணிகளுக்கு தேர்வு செய்கிறார்கள்

1. All India Services

2. Central Services

சென்ற வருட அப்ளிகேஷனில் இருந்து,

(i) Indian Administrative Service.

(ii) Indian Foreign Service.

(iii) Indian Police Service.

(iv) Indian P & T Accounts & Finance Service, Group ‘A’.

(v) Indian Audit and Accounts Service, Group ‘A’.

(vi) Indian Revenue Service (Customs and Central Excise), Group ‘A’.

(vii) Indian Defence Accounts Service, Group ‘A’.

(viii) Indian Revenue Service (I.T.), Group ‘A’.

(ix) Indian Ordnance Factories Service, Group ‘A’ (Assistant Works Manager,Administration).

(x) Indian Postal Service, Group ‘A’.

(xi) Indian Civil Accounts Service, Group ‘A’.

(xii) Indian Railway Traffic Service, Group ‘A’.

(xiii) Indian Railway Accounts Service, Group ‘A’.

(xiv) Indian Railway Personnel Service, Group ‘A’.

(xv) Post of Assistant Security Commissioner in Railway Protection Force, Group ‘A’

(xvi) Indian Defence Estates Service, Group ‘A’.

(xvii) Indian Information Service (Junior Grade), Group ‘A’.

(xviii) Indian Trade Service, Group ‘A’ (Gr. III).

(xix) Indian Corporate Law Service, Group “A”.

(xx) Armed Forces Headquarters Civil Service, Group ‘B’ (Section Officer’s Grade).

(xxi) Delhi, Andaman & Nicobar Islands, Lakshadweep, Daman & Diu and Dadra & Nagar Haveli Civil Service, Group ‘B’.

(xxii) Delhi, Andaman & Nicobar Islands, Lakshadweep, Daman & Diu and Dadra & Nagar Haveli Police Service, Group ‘B’.

(xxiii) Pondicherry Civil Service, Group ‘B’.

இவற்றில் IAS மற்றும் IPS – All India Services மற்றவை Central Services

இவை அனைத்திற்கும் சேர்த்து ஒரு பரிட்சை தான் (which includes Prelims, Mains and Interview), தனித்தனிப் பரிட்சைகள் இல்லை. Indian Forest Servicesக்கான Prelims மட்டும் இவற்றுடன் சேர்ந்து நடத்தப்படுகிறது. அதற்கான Mains and Interview தனி.

எனக்கு IPS ஆவது தான் விருப்பம். நான் என்ன செய்ய வேண்டும் என்று கேட்டால், நீங்கள் Prelimsல் தேர்வானவுடன், மீண்டும் உங்களிடம் பல விவரங்களை UPSC கேட்கும். அதில் உங்களுக்காக Service Preference, Cadre Preference (State Preference – Only for IAS and IPS)ல் குறிப்பிட வேண்டும். அதில் நீங்கள் IPS க்கு முதல் Preference கொடுக்கலாம்.

உங்களுடைய Rank and Preferenceக்கு ஏற்றாற் போல உங்களுக்கு சர்வீஸ் கொடுக்கப்படும்.

எடுத்துக்காட்டாக,

நீங்கள் IRS IT க்கு முதல் Preference கொடுத்திருந்தால், நீங்கள் All India Rank 1 வந்திருந்தாலும், உங்களுக்கு IRS IT தான் கொடுக்கப்படும். அதுவே All India Rank 250 (OBC) வாங்கியவருக்கு IAS  கிடைக்கலாம். அது அவருடைய Preference மற்றும் Rank கொண்டு கொடுக்கப்பட்டிருக்கும்.

இந்த தேர்வுகள் எப்பொழுது நடத்தப்படும்?

இன்றைய நிலவரப்படி, முதல் நிலைத் தேர்வு (Prelims) – ஆகஸ்ட் மாதத்திலும், இரண்டாம் நிலை (Mains) – டிசம்பர் மாதமும், மூன்றாம் நிலை (Interview) – ஏப்ரல் முதல் ஜூன் முதல் வாரம் வரையும் நடத்தப்படும். தேர்வு முடிவுகள் ஜூன் இரண்டாம் வரும் தெரிவிக்கப்படும். இதில் தேர்வு முடிவுகள் வெளியிடுவதில் சில மாற்றங்கள் இருக்கலாம்.

Prelims, Mains, Interview ஆகிய மூன்று நிலைத் தேர்வுகள் குறித்து நாளைப் பார்க்கலாம்….

துவக்கம்

Tags

UPSC Introduction Tamil

வலைப்பதிவு எழுதுவதை நிறுத்தி சில ஆண்டுகளுக்குப் பின் எழுத தொடங்குகிறேன்.

இந்த பதிவுகளோட நோக்கம் என்னனு முதல்ல சொல்லிடறேன்.

UPSC தேர்வுகள் குறித்த அறிமுகம், மூன்று நிலைகளுக்கும் தயார் செய்யும் முறைகள் (என்னுடைய அனுபவங்களையும், என்னுடைய நண்பர்களுடைய
அனுபங்களையும் முன் வைத்து), எங்கே படிப்பது, எப்படிப் படிப்பது, எதைப் படிப்பது, ஆப்ஷன்ஸ் என்ன எடுப்பது போன்ற கேள்விகளுக்கும் முடிந்த வரை எங்களுடைய அனுபவங்களை முன் வைத்து பதிவு எழுத போகிறேன்.

இதை எழுத என்னுடைய தகுதி என்னனு கேட்டா, இரண்டு மெயின்ஸ் (2014யையும் சேர்த்து), ஒரு இண்டர்வியூ (இந்த ஆண்டும் இண்டர்வியூ போய் சர்வீஸ் வாங்கிவிடுவேன் என நம்புகிறேன்). நான் சர்வீஸ் வாங்கிய பிறகு எழுதலாம் என்று தான் முதலில் முடிவு செய்திருந்தேன். ஆனால் அதற்கான நேரம் அப்பொழுது கிடைக்குமா என்று சந்தேகமாக இருப்பதால், மெயின்ஸ் மற்றும் இண்டர்வியூவிற்கு இடைப்பட்ட காலத்தில் எழுதுவது உசிதமானது என ஆரம்பிக்கிறேன்.

அவ்வப்பொழுது தமிழ் நாட்டில் இருந்து சர்வீஸ் வாங்கிய நண்பர்களின் அனுபங்களையும் அவர்களிடமிருந்து வாங்கி பகிர்ந்து கொள்கிறேன்.

என்னுடைய எழுத்து நடையைப் பேச்சு மொழியில் தொடரவே நினைக்கிறேன். அதுதான் அருகிலிருந்து பேசும் பாவனையைக் கொடுக்கும் என்பதும், வேகமாக சொல்ல வந்த கருத்தைக் கொண்டு சேர்க்கும் என்பதும் என் எண்ணம்.